Jason Roberts frá í þrjár vikur

Jason Roberts mun ekki spila með Blackburn næstu þrjár vikurnar þar sem hann er meiddur á fæti.

Roberts meiddist í leik Blackburn gegn Tottenham um helgina sem fyrrnefnda liðið vann, 2-1. Roberts þurfti að fara af velli á hálfleik.

Óttast var að hann þyrfti að gangast undir uppskurð en svo er ekki. Hann ætti að verða klár í slaginn undir lok mánaðarins.

Roberts hefur skorað fimm mörk í þrettán leikjum með Blackburn síðan að Sam Allardyce tók við knattspyrnustjórn liðsins í desember síðastliðnum.