Carvalho og Deco ekki með gegn Barcelona

Chelsea verður án þeirra Ricardo Carvalho og Deco þegar liðið sækir Barcelona heim í fyrri leik liðanna í undanúrslitum Meistaradeildarinnar annað kvöld. Þá tekur Ashley Cole út leikbann.

Landarnir Carvalho og Deco eru báðir að glíma við meiðsli í aftanverðu læri. Það kemur væntanlega í hlut Alex að taka stöðu Carvalho í hjarta Chelsea-varnarinnar og vera má að Branislav Invanovic taki stöðu hægri bakvarðar.

Joe Cole og Paulo Ferreira eru enn í endurhæfingu eftir meiðsli og verða ekki með Chelsea.

Hér má sjá hóp Chelsea eins og hann kemur til með að líta út annað kvöld:

Cech, Hilario, Belletti, Alex, Ivanovic, Bosingwa, Mancienne, Terry, Lampard, Ballack, Obi, Kalou, Essien, Malouda, Di Santo, Anelka, Stoch, Drogba, Quaresma.

Þess má geta að þeir Daniel Alves, Sergio Busquets og Carles Puyol hjá Barcelona og Nicolas Anelka hjá Chelsea - fara í leikbann ef þeir fá gult spjald í leiknum annað kvöld.