Kyrrsetning eigna rædd í þingnefnd

Rýmri heimildir til eignakyrrsetningar verða til umræðu í efnahags- og skattanefnd Alþingis á morgun. Ríkisstjórn samþykkti nýverið frumvarp Steingríms J. Sigfússonar, fjármálaráðherra, um auknar heimildir skattrannsóknarstjóra til kyrrsetningar eigna.

Í athugasemdum við lagafrumvarpið segir að með löngum málsmeðferðartíma skapist ákveðin hætta á að eignum sé komið undan. Sú hætta er ekki síst talin til staðar nú við þær sérstöku aðstæður sem nú ríkja. Af þeim sökum er talið nauðsynlegt að veita skattyfirvöldum auknar heimildir.

Frumvarpið felur meðal annars í sér er að embætti skattrannsóknarstjóra verður heimilt að krefjast kyrrsetningar á eignum til trygginga greiðslu væntanlegra skattkröfu, fésektar og sakarkostnaður í málum sem hann rannsakar. Heimildin fæst ef hætta þykir á að eignum verði annars skotið undan, þær glatist eða rýrni.

Bryndís Kristjánsdóttir, skattrannsóknarstjóri sagði í samtali við fréttastofu 7. ágúst minnast nokkurra dæma um að betra hefði verið að hafa þessar heimildir.