Umfjöllun: Grindvíkingar völtuðu yfir bitlausa Þróttara

Grindavík vann í kvöld öruggan 5-1 sigur á Þrótti á Valbjarnarvelli. Gestirnir voru heilt yfir sterkari í leiknum og heimamenn voru ragir og máttlausir í sínum sóknaraðgerðum.

Leikurinn byrjaði heldur betur með látum. Strax á þriðju mínútu braut Óli Stefán Flóventsson klaufalega á Hauki Páli Sigurðssyni og vítaspyrna réttilega dæmd. Dennis Danry tók spyrnuna, en skaut himinhátt yfir markið. Eftir markið jafnaðist leikurinn töluvert en Grindvíkingar voru þó hættulegri í sínum aðgerðum.

Á sautjándu mínútu áttu Grindvíkingar hættulega sókn. Boltinn barst til Scott Ramsay á vinstri kanti sem lét skotið ríða af. Sindri virtist halda boltanum örugglega en á einhvern furðulegann hátt missti hann svo boltann inn fyrir sig.

Gestirnir því komnir verðskuldað yfir en markinu vill Sindri örugglega gleyma sem fyrst. Eftir markið reyndu Þróttarar að byggja upp sóknir en varð lítið ágengt. Um miðjan hálfleikinn fékk Hafþór Vilhjálmson boltann á vinstri kantinum, góð sending hans utan af kanti rataði í fætur Odds Guðmundssonar sem renndi boltanum laglega framhjá Óskari í marki Grindvíkinga, því var jafnt og allt í járnum.

Grindvíkingar sóttu mun meira eftir markið og voru Scott Ramsay, Ondo og Tor Moen mjög hættulegir í sóknarleik gestanna. Gestirnir komstu svo verðskuldað yfir, eftir langa spyrnu fram völlinn stakk Óli Baldur Bjarnason sér inn fyrir vörn Þróttar og skoraði laglega framhjá Sindra Jenssyni markmanni Þróttar.

Vörn heimamanna var steinsofandi og hefði auðveldlega getað komið í veg fyrir markið. Heimamönnum tókst ekki að skapa almennileg marktækifæri það sem eftir lifði fyrri hálfleiks og því leiddu Grindvíkingar í hálfleik.

Síðari hálfleikur var lengst af mjög rólegur. Heimamenn fengu nokkrar aukaspyrnur á hættulegum stöðum án þess að ná að nýta þær að neinu ráði, þeir náðu ekki að skapa eitt opið færi fyrsta hálftímann. Grindvíkingar héldu sínu vel en sóknarleikur þeirra var enginn, þeirra fyrsta skot á mark í seinni hálfleik kom eftir 32 mínútur sem segir meira en mörg orð.

Síðustu fimmtán mínútur leiksins hresstust Grindvíkingar verulega, og þeir fengu aukaspyrnu utan teigs eftir eina hraða sókn. Úr spyrnunni skoraði Scott Ramsay glæsilegt mark stöngin inn. Eftir markið má segja að Þróttarar hafi gefist upp og áhuga þeirra af leiknum lokið.

Eftir þetta bættu gestirnir einfaldlega við sinn leik gegn hriplekri vörn heimamanna. Tvö mörk frá Páli Guðmundssyni og Jósefi Jósefssyni tryggðu Grindvíkingum öruggan fimm eitt sigur gegn lánlausum Þrótturum sem virðast stefna beint niður í fyrstu deild, allavega miðað við þessa spilamennsku.

Grindvíkingar þokast upp töfluna eftir tvo góða sigra og með menn eins og Scott Ramsay í stuði eru þeir til alls líklegir. Vert er að minnast á dómara leiksins, Vilhjálm Alvar Þórarinsson, en hann dæmdi næst að því óaðfinnanlega í þessum leik.

Þróttur - Grindavík 1-5

0-1, Scott Ramsay (17.)

1-1, Oddur Ingi Guðmundsson (29.)

1-2, Óli Baldur Bjarnason (35.)

1-3, Scott Ramsay (85.)

1-4, Páll Guðmundsson (88.)

1-5, Jósef Kristinn Jósefsson (89.)

Valbjarnarvöllur. Áhorfendur: 290

Dómari: Vilhjálmur Alvar Þórarinsson 7

Skot (á mark): 4 -8 (2-6)

Varin skot: Sindri 2 -Óskar 5

Horn: 3-5

Aukaspyrnur fengnar: 9-11

Rangstöður: 3-1

Þróttur (4-5-1)

Sindri Snær Jensson 5

Jón Ragnar Jónsson 5

Dennis Danry 6

Dusan Ivkovic 6

Runólfur Sigmundsson 6

(46., Þórður Steinar Hreiðarsson 5)

Rafn Andri Haraldsson 4

Oddur Ingi Guðmundsson 5

(Andrés Vilhjálmssonm 80)

Kristján Ómar Björnsson 5

Hafþór Ægir Vilhjálmsson 5

Samuel Malson 4

(58., Morten Smidt 5)

Haukur Páll Sigurðsson 5

Grindavík (4-5-1)

Óskar Pétursson 7

Ray Anthony Jónsson 6

Óli Stefán Flóventsson 6

Bogi Rafn Einarsson 6

Jósef Kristinn Jósefsson 6

Jóhann Helgason 6

(74., Ben Ryan Long 5)

Scott Ramsay, 7*, maður leiksins

(Páll Guðmundsson, 80)

Orri Freyr Hjaltalín 6

Tor Erik Moen 6

Óli Baldur Bjarnason 6

(70., Þórarinn Kristjánsson 5)

Gilles Mbang Ondo 6