Umfjöllun: Sigur en ekki var hann fagur

Veigar Páll Gunnarsson sá til þess að ferð Suður-Afríkumanna til Íslands var sneypuför. Hann skoraði eina mark leiks Íslands og Suður-Afríku á 50. mínútu.

Leikurinn var alls ekki mikið fyrir augað. Fyrri hálfleikur hreinasta hörmung þar sem íslenska liðið skapaði ekki eitt einasta færi.

Síðari hálfleikurinn byrjaði betur og íslenska liðið setti pressu á gestina. Það bar síðan árangur á 50. mínútu er Veigar skoraði eina mark leiksins með táarskoti frá vítateig. Hann hefur líklega oft átt betri skot en þetta skot skilaði sér rétta leið.

Eftir markið gaf íslenska liðið aftur eftir, Afríkumennirnir tóku yfir miðjuna og stýrðu leiknum nánast það sem eftir var.

Þeir sköpuðu sér nokkur hálffæri en nánast öll færin enduðu með skoti eða skalla yfir markið. Afganginn sá Árni Gautur um en hann var mjög öruggur í íslenska markinu.

Íslenska liðið skapaði sér í raun engin færi eftir mark Veigars og ef þetta afríska lið væri betra þá hefði Ísland aldrei unnið leikinn.

Gæðin í þessu afríska liði eru aftur á móti takmörkuð og það reyndist gott fyrir íslenska liðið sem spilaði heldur ekki sannfærandi varnarleik. Sóknarleikurinn var svo nánast handónýtur allan leikinn og miðjuspilið lélegt.

Nánast það eina jákvæða við þennan leik var sú staðreynd að Ísland vann sem er jú, alltaf gott mál.

Ísland-Suður Afríka 1-0

1-0 Veigar Páll Gunnarsson (50.)

Áhorfendur: 3.253

Dómari: Svein Oddvar Moen 4.

Skot (á mark): 7-12 (3-4)

Varin skot: Árni 4 - Josepths 2

Horn: 3-4

Aukaspyrnur fengnar: 11-13

Rangstöður: 3-0

Ísland (4-3-3)

Árni Gatur Arason 7 - Maður leiksins

Grétar Rafn Steinsson 5

Kristján Örn Sigurðsson 5

(46., Sölvi Geir Ottesen 4)

Ragnar Sigurðsson 6

Indriði Sigurðsson 5

Brynjar Björn Gunnarsson 5

(82., Ólafur Ingi Skúlason -)

Aron Einar Gunnarsson 4

Veigar Páll Gunnarsson 6

(87., Atli Viðar Björnsson -)

Rúrik Gíslason 6

Emil Hallfreðsson 3

Garðar Jóhannsson 3

(67., Pálmi Rafn Pálmason 4)

Smelltu hér til að opna Boltavaktina og lesa lýsingu leiksins: Ísland - Suður-Afríka.