Mun halda sjó næstu áratugi

Ekki er talin ástæða að svo stöddu til að ráðast í framkvæmdir til að verja þjóðveginn við Jökulsárlón. Garðar sem gerðir voru út með Jökulsá á Breiðamerkursandi hafa dugað ágætlega, að sögn sérfræðinga Vegagerðarinnar.

„Við höldum sjó í einhverja áratugi,“ segir Einar Hafliðason, forstöðumaður brúardeildar hjá Vegagerðinni.

Hann segir ekki tímabært að hafa áhyggjur af því að þjóðvegur­inn fari í sundur við Jökulsárlón. Sérfræðingar óttuðust fyrir nokkrum árum að landbrot við lónið myndi á endanum rjúfa þjóðveginn.