Yossi kátur á kantinum

Yossi Benayoun kvartar ekki yfir því að spila á vinstri kantinum hjá Liverpool. Hann segist vera kátur svo framarlega sem hann sé í liðinu.

Benayoun endaði tímabilið með látum í fyrra en var ekki í byrjunarliðinu í upphafi þessa tímabils. Hann kom þó á kantinn í síðasta leik gegn Stoke og þótti standa sig vel.

„Mér líkar bara vel að vera á kantinum. Ég spilaði þarna um tíma með ísraelska landsliðinu og fannst það bara fínt," sagði Benayoun.

„Ég á möguleika að skjótast inn á miðsvæðið frá kantinum og get verið mikið með boltanum sem gerir þetta auðveldara. Ég er samt sáttur alls staðar á vellinum. Það vilja allir vera í byrjunarliðinu og ég mun því alltaf gera mitt besta þegar ég fæ tækifæri til þess að vera í liðinu."