Windass gæti spilað áfram

Hinn fertugi Dean Windass er ekki á því að leggja skóna á hilluna og gæti tekið að sér þjálfarahlutverk hjá Port Vale ásamt því að spila með liðinu á komandi leiktíð.

Windass er nú án félags eftir að hann yfirgaf Hull nú eftir að tímabilinu lauk nú í vor.

„Hann hefur áhuga á starfinu en ferðalögin sem því fylgja gætu gert það að verkum að hann taki það ekki að sér," sagði Micky Adams, knattspyrnustjóri Port Vale. „En við höfum ekki útilokað neitt enn."

Windass hefur lýst yfir áhuga á að taka að sér starf aðstoðarknattspyrnustjóra Darlington og hefur hug á ferli í þjálfun þegar hann hættir að spila.

Windass á að baki átján ára feril sem leikmaður sem hófst með utandeildarliðinu North Ferrriby United.