Wenger veit vel að Vieira vill koma aftur í Arsenal

Arsene Wenger, stjóri Arsenal, segir að hann viti vel að því að Patrick Vieira vilji koma aftur til Arsenal en Wenger er aftur á móti ekki tilbúinn að segja hvort hann ætli að gera við hann samning.

Hinn 33 ára gamli Vieira hefur verið sterklega orðaður við Arsenal á síðustu vikum en hann hefur spilað hjá ítalska liðinu Inter undanfarin ár. Wenger hefur aldrei samið aftur við leikmann sem hefur farið frá Arsenal.

„Ég tala við Patrick eins og marga aðra leikmenn sem ég hef haft hjá mér og held enn góðu sambandi við," sagði Arsene Wenger í viðtali við heimasíðu Arsenal.

„Vieira hefur gengið í gegnum erfitt tímabil og ég veit að honum langar að koma hingað aftur. Ég held að það sé alltaf fyrsti kostur hjá Patrick að koma aftur til félagsins þar sem hann er lifandi goðsögn," sagði Wenger.

„Þetta er samt fótbolta ákvörðun og við erum hvergi nálægt því að fara taka slíka ákvörðun. Þetta er samt möguleiki og ég er ekki tilbúinn að útiloka að Patrick Vieira komi aftur til Arsenal," sagði Wenger.

Arsenal hefur ekki unnið titil síðan Patrick Vieira yfirgaf félagið 2005 en Vieira vann enska meistaratitilinn þrisvar sinnum og enska bikarinn fjórum sinnum þegar hann lék með Arsenal-liðinu frá 1996-2005.