Dossena ætlar að berjast fyrir sæti sínu hjá Liverpool

Bakvörðurinn ítalski Andrea Dossena er ekki á þeim buxunum að gefast upp og biðja um að vera seldur þó svo að ferill hans hjá Liverpool sé ekki búinn að vera neinn dans á rósum.

Dossena er nú búinn að gefa það út í nýlegu viðtali að hann ætli sér að vera áfram á Anfield og berjast fyrir sæti sínu hjá Livepool en leikmaðurinn var sterklega orðaður við endurkomu til Ítalíu í sumar þar sem Napólí var meðal þeirra félaga sem höfðu áhuga á honum.

„Ég hef heyrt og lesið mikið af orðrómum í sumar um framtíð mína hjá Liverpool en sannleikurinn er sá að ég vill vera áfram hjá félaginu. Ég er ánægður með liðsfélaga mína og þjálfarana og forráðamenn félagsins og vill hvergi annars staðar vera," segir Dossena í viðtali við Liverpool Echo.