Obama ræddi við áhöfn geimstöðvarinnar

Barack Obama Bandaríkjaforseti ræddi við geimfara, sem staddir eru í Alþjóðlegu geimstöðinni, gegnum síma í gær og sagði þeim meðal annars að hann væri stoltur af þeirri vinnu sem þar ætti sér stað. Hópur nemenda við barnaskóla í Washington var viðstaddur þegar símtalið átti sér stað í Hvíta húsinu. Nemendurnir spurðu Obama ýmissa spurninga, þar á meðal hvort geimfararnir gætu spilað tölvuleiki í geimnum og hvort þeir notuðu ekki örugglega handfrjálsan búnað við að tala í símann fyrst geimstöðin færi með 25.000 kílómetra hraða á klukkustund umhverfis jörðu.