Innlent

Gripu til vopna eftir Facebookdeilur

Hafsteinn Gunnar Hauksson skrifar
Lögregla handtók mennina örskömmu eftir að tilkynning barst um að þeir væru að ógna manni með riffli.
Lögregla handtók mennina örskömmu eftir að tilkynning barst um að þeir væru að ógna manni með riffli. Mynd/Pjetur
Búið er að sleppa piltunum fjórum sem grunaðir eru um að hafa ógnað manni sem var við vinnu sína í Höfðahverfi í Reykjavík með skotvopni.

Lögregla fékk tilkynningu um athæfi mannanna klukkan hálftíu á fimmtudagskvöld, en fjórir lögreglubílar umkringdu mennina um korteri síðar eftir greinagóða lýsingu fórnarlambsins á farartækinu.

Voru mennirnir færðir á lögreglustöð og skotvopnið, sem reyndist lítill riffill, gert upptækt. Vopnið var ekki hlaðið, en skotfæri fundust í bílnum.

Mennirnir fjórir eru á aldrinum 17 til 22 ára. Þeir voru ekki undir áhrifum áfengis eða fíkniefna og hafa aldrei komið við sögu lögreglu áður. Ekki var farið fram á gæsluvarðhald yfir piltunum, en þeim var sleppt eftir yfirheyrslur á föstudag.

Við yfirheyrslur kom í ljós að ekki var um tilviljanakenndan hrekk að ræða, heldur töldu mennirnir sig eiga eitthvað sökótt við fórnarlambið eftir orðaskak á Facebook.


Tengdar fréttir

Með riffil út um bílgluggann

Lögregla fékk tilkynningu um að verið væri að ógna vegfarendum með skotvopni út úr bíl í grennd við Bíldshöfða um klukkan hálftíu í kvöld.




Fleiri fréttir

Sjá meira


×