Guðbjörg harkaði af sér og spilaði tognuð á ökkla

Guðbjörg Gunnarsdóttir er búin að halda marki Djurgården hreinu fyrstu 180 mínútur sem hún hefur spilað í sænsku úrvalsdeildinni og lið hennar og Guðrúnar Sóleyju Gunnarsdóttur er á toppnum eftir fyrstu tvær umferðirnar.

Það er samt ekki víst hvort að Guðbjörg geti spilað næsta leik sem er gegn Kristianstad á öðrum degi páska. Á heimasíðu Djurgården kemur fram að sjúkraþjálfarar liðsins leiti allra ráða til að Guðbjörg geti spilað leikinn.

Guðbjörg meiddi sig í upphitun fyrir síðasta leik á móti Piteå þegar hún festi takkanna í gervigrasinu og tognaði á ökkla. Guðbjörg var teipuð snarlega og harkaði síðan af sér og spilaði leikinn.