Innlent

Enn hefur ekki tekist að bera kennsl á hinn látna

Frá vettvangi í morgun. Mynd/Kristján
Frá vettvangi í morgun. Mynd/Kristján
Enn hefur ekki tekist að bera kennsl á ungan karlmann sem fannst látinn í Reykjavíkurhöfn fyrir hálfum sólarhring. Seinnipartinn í dag sendi lögregla frá sér tilkynningu með lýsingu á manninum. Þrátt fyrir að fjölmargir hafi í kjölfarið haft samband við lögreglu leiddi það ekki til þess að kennsl voru borinn á hinn látna.

Ekki er vitað um tildrögin og sem fyrr er unnið að rannsókn málsins.

Talið er að maðurinn sé 20 til 30 ára en hann er um 170 sentímetrar á hæð, grannvaxinn, dökkhærður með dökkt, tveggja daga skegg og sólbrúnn. Maðurinn var klæddur í munstraðan bol, bláan og gulan, dökkbláar gallabuxur, svarta púmaskó með hvítum röndum og hvíta úlpu með gráum ermum. Á honum fundust lyklar af gamalli Mitsubishi-bifreið og húslykill.

Þeir sem geta gefið upplýsingar um manninn eru beðnir um að hafa samband við lögregluna í síma 444-1104.

Tengdar fréttir

Ekki búið að bera kennsl á hinn látna

Ekki er búið að bera kennsl á ungan mann sem fannst látinn í Reykjavíkurhöfn í morgun. Lögregla telur að maðurinn hafi verið á þrítugsaldri. Ekkert er vitað um tildrög, en unnið er að rannsókn málsins.

Biðja um hjálp við að bera kennsl á látinn mann

Lögreglan á höfuðborgarsvæðinu vinnur nú að því að bera kennsl á karlmann sem fannst látinn í Reykjavíkurhöfn á tíunda tímanum í morgun. Ekkert er vitað um tildrögin, en unnið er að rannsókn málsins.

Fannst látinn í Reykjavíkurhöfn

Lögreglu og slökkviliði barst tilkynning um níuleytið í morgun um að maður væri í sjónum í Reykjavíkurhöfn. Þegar lögregla kom á staðinn var maðurinn látinn.

Mest lesið


Fleiri fréttir

Sjá meira


×

Mest lesið