Romario tekur fram skóna á ný 43 ára gamall

Brasilísku goðsögninni Romario er greinilega farið að kitla í tærnar því nú hefur verið tilkynnt að hann ætli að taka fram skóna að nýju og spila með annarar deildar félaginu America í heimalandi sínu en hann er sem stendur knattspyrnustjóri félagsins.

„Eftir að Romario hefur tekið virkan þátt í að endurlífga félagið utan vallar er kominn tími á að hann láti til sín taka inni á vellinum líka. Markaskorun hans stendur sem er í 1003. mörkum og við búumst fastlega við því að hann muni bæta hressilega við þá tölu," segir í yfirlýsingu frá America.

Romario ætlar að spila nokkra leiki með félaginu til þess að heiðra minnungu föður síns, Edevair, sem nú er látinn en var mikill stuðningsmaður félagsins.

„Ég er búinn að koma mér í fínt líkamlegt ásigkomulag og nú bíð ég bara eftir leyfi frá brasilíska knattspyrnusambandinu. Þegar ég spila mun langþráður draumur föður míns rætast og það er það sem ég stefni á að gera," segir Romario.