Robinho ekki kærður vegna nauðgunar

Brasilíumaðurinn Robinho, leikmaður Manchester City, mun ekki verða kærður í tengslum við nauðgunarrannsókn lögreglu í Bretlandi.

Í janúar síðastliðnum var Robinho handtekinn og yfirheyrðu í tengslum við rannsókn á nauðgun sem mun hafa átt sér stað á skemmtistað í Leeds.

En í dag staðfesti lögreglan að ekkert yrði frekar aðhafst í málinu.

Talsmaður hans, Chris Nathaniel, sagðist vera þakklátur þeim sem hafa stutt Robinho í gegnum þessa „erfiðu raun".

„Hann hefur haldið fram sakleysi sínu allan þennan tíma og ég er ánægður með að þessu máli sé lokið. Robinho er fjölskyldumaður sem leggur hart að sér. Hann vill nú fá að einbeita sér að Manchester City."