Liverpool og Real Madrid á eftir Steven Defour

Belgíski miðjumaðurinn Steven Defour, fyrirliði Standard Liege, er á óskalista Liverpool en þetta hefur umboðsmaður leikmannsins staðfest. Spænska stórliðið Real Madrid hefur einnig áhuga á Defour.

Talið er að Real horfi til Defour ef liðinu tekst ekki að landa Xabi Alonso frá Liverpool. Að sama skapi hefur Liverpool í hyggju að fá Defour til að fylla skarð Alonso ef hann yfirgefur Anfield.

Defour er 21. árs en hann er með klásúlu í samningi sínum að hann geti yfirgefið Standard Liege fyrir stærra félag ef það borgar ákveðna upphæð.