Tevez rann í sturtu - Gæti misst af byrjun tímabilsins

Argentínski sóknarmaðurinn Carlos Tevez gæti misst af byrjun komandi tímabils. Hann meiddist á hæl þegar hann rann í sturtu. Hann missti jafnvægið þegar hann reyndi að komast út úr sturtuklefanum.

Tevez gekk nýlega til liðs við Manchester City en hann verður ekki með liðinu á morgun þegar það mætir Glasgow Rangers í æfingaleik.

Þá hefur City farið fram á það við argentínska knattspyrnusambandið að Tevez verði ekki valinn í landsliðshópinn fyrir leik gegn Rússlandi í næstu viku.

Tevez hefur verið að glíma við meiðsli og enn ekki leikið eina mínútu í búningi Manchester City.