Umfjöllun: Tryggvi bjargaði stigi fyrir Stjörnuna

Stjarnan og KR skildu jöfn, 1-1, í Pepsi-deild karla á gervigrasinu í Garðabæ í kvöld.

KR er þar með fyrsta liðið til þess að taka stig af Stjörnumönnum á heimavelli þeirra í sumar en Vesturbæingar eru væntanlega enn að klóra sér í hausnum yfir því að hafa ekki farið þaðan í burtu með öll stigin þrjú.

Björgólfur Takefusa kom gestunum yfir eftir hálftíma leik með marki úr vítaspyrnu en jöfnunarmark heimamanna kom í blálok uppbótartíma venjulegs leiktíma og þar var að verki gamli KR-ingurinn Tryggvi Sveinn Bjarnason.

Það tók liðin annars smá tíma að finna taktinn á Stjörnuvelli í kvöld og framan af skapaðist mesta hættan úr föstum leikatriðum.

Stjörnumönnum gekk illa að finna glufur á skipulögðum varnarleik KR-inga í fyrri hálfleik en gestirnir voru hins vegar hættulegir í skyndiupphlaupum með þá Óskar Örn Hauksson og Prince Rajcomar í aðalhlutverkum.

Eftir um hálftíma leik barst boltinn inn fyrir vörn Stjörnunnar og þá var Óskar Örn strax mættur eins og hrægammur og hirti boltann og lék á Bjarna Þórð í Stjörnumarkinu, sem braut á honum og vítaspyrna réttilega dæmd.

Björgólfur Takefusa fór á punktinn og skoraði af öryggi og það reyndist eina markið í hálfleiknum en KR-ingar voru líklegri til þess að bæta við marki en Stjörnumenn að jafna.

Seinni hálfleikurinn var aftur á móti ekki mikið fyrir augað og lítið um opin marktækifæri.

Liðin spiluðu mikinn kraftabolta með endalausum háloftaspyrnum og kýlingum langt fram völlinn. KR-ingar virtust líka vera sáttir með sitt og þrátt fyrir að þeir hafi fallið ef til vill einum of aftarlega á völlinn var í raun fátt sem benti til þess að Stjörnumenn myndu skora.

Það trylltist því allt á fjórðu mínútu uppbótartíma þegar Tryggvi sveinn, fyrrum varnarmaður KR, var réttur maður á réttum stað og náði að pota inn jöfnunarmarkinu af stuttu færi og þar við sat.

Risastórt stig fyrir Stjörnumenn staðreynd miðað við hvernig leikurinn spilaðist en KR-ingar að vonum svekktir og eitt stig rýr uppskera í Garðabænum í kvöld.

Tölfræðin:



Stjarnan - KR 1-1

0-1 Björgólfur Takefusa (31.)

1-1 Tryggvi Sveinn Bjarnason (90.+5.)

Stjörnuvöllur, áhorfendur 1.459

Dómari: Þóroddur Hjaltalín (4)

Skot (á mark): 9-8 (4-3)

Varin skot: Bjarni Þórður 2 - Stefán Logi 3

Horn: 7-5

Aukaspyrnur fengnar: 19-15

Rangstöður: 1-6



Stjarnan (4-3-3)

Bjarni Þórður Halldórsson 6

Guðni Rúnar Helgason 6

Daníel Laxdal 7

*Tryggvi Bjarnason 7 -Maður leiksins

Hafsteinn Rúnar Helgason 3

(38., Jóhann Laxdal 5)

Björn Pálsson 5

Birgir Hrafn Birgisson 5

Steinþór Freyr Þorsteinsson 6

(75., Magnús Björgvinsson -)

Arnar Már Björgvinsson 3

(88., Richard Hurlin -)

Halldór Orri Björnsson 5

Ellert Hreinsson 2

KR (4-4-2)

Stefán Logi Magnússon 6

Skúli Jón Friðgeirsson 6

Grétar Sigfinnur Sigurðsson 7

Mark Rutgers 7

Jordao Diogo 6

*Óskar Örn Hauksson 7

(84., Atli Jóhannsson -)

Jónas Guðni Sævarsson 6

Bjarni Guðjónsson 6

Baldur Sigurðsson 6

Prince Rajcomar 5

(75., Gunnar Örn Jónsson-)

Björgólfur Takefusa 6

(84., Guðmundur Pétursso

Boltavakt Vísis og Fréttablaðsins var með beina lýsingu frá leik Stjörnunnar og KR í 10. umferð Pepsi-deildar karla.

Smelltu hér til að opna Boltavaktina og lesa lýsingu leiksins: Stjarnan - KR .

Þá er einnig hægt að nálgast Boltavaktina í Vodafone Live! farsímaþjónustunni.