Umfjöllun: Öruggur sigur Fram á KR

Fram vann í dag öruggan og síst of stóran 3-0 sigur á KR í fyrsta leik 8. umferðar Pepsi-deildarinnar.

Hjálmar Þórarinsson skoraði tvívegis og Almarr Ormarsson einu sinni en Fram komst yfir með tveimur mörkum með mínútu millibili í upphafi síðari hálfleiks.

Fyrri hálfleikur var afar tíðindalítill en KR-ingar voru mun meira með boltann. Þeir héldu honum ágætlega í sínum röðum en náðu að skapa sér fá færi. Framarar hins vegar voru duglegir að færa sér mistök varnarmanna KR í nyt en tókst þó ekki að gera sér mat úr þeim.

Hjálmar fékk tvö bestu færi Fram í fyrri hálfleik en heimamönnum óx ásmegin eftir því sem á leið í leiknum. Þeir héldu svo uppteknum hætti í síðari hálfleik og komust yfir strax á 51. mínútu.

Skömmu áður höfðu KR-ingar farið fram á víti en fengu ekki. Strax eftir að Framarar unnu boltann kom Heiðar Geir Júlíusson honum á Hjálmar sem lét vaða rétt utan vítateiginn vinstra megin. Boltinn hafnaði í netinu og Stefán Logi markvörður kom engum vörnum við.

Aðeins mínútu síðar kom næsta mark. Halldór Hermann Jónsson kom boltanum inn á miðjan vítateiginn þar sem Almarr var á réttum stað og skoraði mark með laglegu skoti.

Eftir þetta héldu Framarar áfram að sækja grimmt og hefðu getað skorað mun fleiri færi. Bæði var bjargað á línu auk þess sem að sóknarmenn Fram fóru einfaldlega illa með færin sín. Ekkert gekk hjá KR og var hreinlega grátlegt að fylgjast með liðinu - ekkert gekk, hvorki sendingar né einstaklingsframtök.

Það var því eins og að strá salt í sár KR-inga þegar að Hjálmar skoraði þriðja mark leiksins. Löng sending kom fram á völlinn og hafði Hjálmar betur í kapphlaupinu við Mark Rutgers um boltann. Stefán Logi kom út á móti honum en Hjálmar lék á hann og sendi svo boltann framhjá Grétari í autt markið.

Þar með var sigurinn gulltryggður og þrjú dýrmæt stig í húsi hjá Frömurum.

Fram - KR 3-0

1-0 Hjálmar Þórarinsson (51.)

2-0 Almarr Ormarsson (52.)

3-0 Hjálmar Þórarinsson (85.)

Laugardalsvöllur. Áhorfendur: 1.034

Dómari: Magnús Þórisson (6)

Skot (á mark): 9-10 (5-5)

Varin skot: Hannes 5 - Stefán Logi 1.

Horn: 5-7

Aukaspyrnur fengnar: 8-6

Rangstöður: 5-0



Fram (4-4-2):

Hannes Þór Halldórsson 7

Daði Guðmundsson 6

Auðun Helgason 7

Kristján Hauksson 7

Sam Tillen 7

Paul McShane 7

Halldór Hermann Jónsson 6

Ingvar Ólason 6

(86. Jón Guðni Fjóluson -)

Heiðar Geir Júlíusson 7

Almarr Ormarsson 8

(90. Grímur Björn Grímsson -)

Hjálmar Þórarinsson 8 - maður leiksins

(89. Ívar Björnsson -)

KR (4-4-2):

Stefán Logi Magnússon 5

Skúli Jón Friðgeirsson 5

Grétar Sigfinnur Sigurðsson 4

Mark Rutgers 2

Jordao Diogo 3

Gunnar Örn Jónsson 4

(58. Óskar Örn Hauksson 5)

Jónas Guðni Sævarsson 4

Baldur Sigurðsson 2

Bjarni Guðjónsson 5

Guðmundur Benediktsson 5

(72. Atli Jóhannsson -)

Prince Rajcomar 2

(61. Guðmundur Pétursson 6)