Jol ætlar ekki að yfirgefa Hamburg

Hollenski þjálfarinn Martin Jol hjá Hamburg í þýsku úrvalsdeildinni, vísar fréttum enskra fjölmiðla á bug þar sem því hefur verið haldið fram að hann sé arftaki Mark Hughes hjá Manchester City.

Jol hefur unnið gott starf hjá Hamburg og er með liðið í toppbaráttu. Áður stýrði hann Tottenham í fimmta sæti úrvalsdeildarinnar tvö ár í röð.

Mark Hughes stjóri Manchester City er sagður undir pressu þessa dagana vegna lélegs gengi liðsins og hefur Jol verið nefndur til sögunnar sem mögulegur eftirmaður ef Walesverjinn yrði rekinn.

Jol er hinsvegar ekkert að hugsa um að fara frá Hamburg. "Þetta er frábært félag með frábæra stuðningsmenn. Aðstæður hér eru eins og best verður á kosið og hefðin mikil. Mér leiðist þetta slúður. Ég er ánægður hjá Hamburg og get hugsað mér að vinna hér mikið lengur," sagði Jol.