Umfjöllun: Karaktersigur hjá Frömurum

Framarar unnu flottan karaktersigur á Stjörnunni, 3-2, í Laugardalnum í dag. Framarar lentu tvisvar undir en komu til baka og lönduðu flottum sigri.

Framarar voru mun sterkara liðið framan af og mark Magnúsar Björgvinssonar kom þvert gegn gangi leiksins. Markið var skrautlegt en Magnús fékk boltann eftir útspark Bjarna Þórðar, Hannes klúðraði úthlaupinu og Magnús lyfti boltanum smekklega í markið.

Framarar voru aðeins slegnir út af laginu við markið en jöfnuðu sig smám saman. Þeir uppskáru síðan sanngjarnt jöfnunarmark þegar Hjálmar Þórarinsson lék á hvern Stjörnumanninn á fætur öðrum og lagði boltann á Guðmund Magnússon sem gat ekki annað en skorað.

Stjörnumenn svöruðu fyrir sig skömmu síðar. Jóhann Laxdal slapp þá í gegn og aftur klúðraði Hannes úthlaupi en hann átti ekki góðan dag. Jóhann lagði boltann smekklega í markið.

Stjörnumenn mættu meðvitundarlausir til síðari hálfleiks og Hjálmar jafnaði leikinn eftir aðeins 50 sekúndur í síðari hálfleik. Mikið fjör hljóp í leikinn í kjölfarið og bæði lið voru nálægt því að skora.

Það var síðan átta mínútum fyrir leikslok að miðvörðurinn Jón Guðni brá sér í sóknina, Ingvar Ólason kom boltanum til hans í teignum og Jón Guðni kláraði færið vel.

Sanngjarn sigur hjá Frömurum sem sýndu mikinn karakter með því að koma tvisvar til baka.

Fram-Stjarnan 3-2

0-1 Magnús Björgvinsson (27.)

1-1 Guðmundur Magnússon (38.)

1-2 Jóhann Laxdal (42.)

2-2 Hjálmar Þórarinsson (46.)

3-2 Jón Guðni Fjóluson (82.)

Áhorfendur: 604.

Dómari: Gunnar Jarl Jónsson 7.

Skot (á mark): 11-9 (5-7)

Varin skot: Hannes 4 - Bjarni 2

Horn: 10-4

Aukaspyrnur fengnar: 13-9

Rangstöður: 14-2

Fram (4-4-2)

Hannes Þór Halldórsson 3

Daði Guðmundsson 5

Kristján Hauksson 6

Jón Guðni Fjóluson 7 - Maður leiksins

Joseph Tillen 6

Almarr Ormarsson 4

Ingvar Þór Ólason 5

Halldór Hermann Jónsson 4

Paul McShane 4

Hjálmar Þórarinsson 7

Guðmundur Magnússon 6

(68., Hlynur Atli Magnússon 5)

Stjarnan (4-5-1)

Bjarni Þórður Halldórsson 4

Bjarki Páll Eysteinsson 4

Daníel Laxdal 6

Tryggvi Sveinn Bjarnason 6

Hafsteinn Rúnar Helgason 5

(63., Alfreð Elías Jóhannsson 4)

Birgir Hrafn Birgisson 5

(71., Andri Sigurjónsson -)

Björn Pálsson 4

Heiðar Atli Emilsson 3

(84., Þorvaldur Árnason -)

Halldór Orri Björnsson 7

Jóhann Laxdal 6

Magnús Björgvinsson 6

Smelltu hér til að opna Boltavaktina og lesa lýsingu leiksins: Fram - Stjarnan.