Shearer líklega áfram með Newcastle

Talið er líklegt að Alan Shearer verði áfram knattspyrnustjóri Newcastle að því gefnu að þeir kaupendur sem hafa áhuga á félaginu samþykki það.

Shearer hefur átt í viðræðum við núverandi eigendur Newcastle síðan að tímabilinu lauk í vor og félagið féll úr ensku úrvalsdeildinni. En Mike Ashley, eigandi Newcastle, vill selja félagið og á í viðræðum við nokkra aðila sem hafa lýst yfir áhuga á að kaupa það.

Ashley vill fá 100 milljónir punda fyrir félagið og kaupendur hafa til morgundagsins að sýna fram á að þeir geti fjármagnað kaupin.

Ef þeir aðilar samþykkja að Shearer verði áfram stjóri liðsins er búist við að það verði tilkynnt síðar í vikunni.

„Það gæti eitthvað gerst varðandi Alan Shearer síðar í vikunni eða í upphafi þeirrar næstu," sagði Derek Llambias í samtali við enska fjölmiðla.