Ronaldo ekki kærður fyrir áreksturinn

Lögreglan í Manchester hefur ákveðið að kæra ekki Cristiano Ronaldo vegna árekstursins sem hann lenti í fyrr í vetur.

Ronaldo klessukeyrði glænýja glæsibifreið sína í göngum nálægt flugvellinum í Manchester-borg í janúar síðastliðnum. Bílilnn, Ferrari 599 GTB sem kostaði 200 þúsund pund, eyðilagðist en Ronaldo slapp ómeiddur.

Eftir rannsókn lögreglu var ákveðið að aðhafast ekkert frekar í málinu eftir því sem talsmaður lögregðu sagði í yfirlýsingu.

Manchester United tilkynnti í síðustu viku að félagið hefði tekið risaboði Real Madrid í Ronaldo.