Man. Utd tapaði mikilvægum stigum

Spennan er heldur betur að magnast á toppi ensku úrvalsdeildarinnar. Man. Utd sá á bak þremur mikilvægum stigum á Craven Cottage í dag er liðið tapaði fyrir Fulham, 2-0.

Paul Scholes var vikið af velli eftir aðeins 16 mínútna leik þegar hann varði boltann með höndum á línunni. Dómarinn dæmdi réttilega víti og sendi Scholes í bað. Danny Murphy skoraði úr vítinu af fádæma öryggi.

Þrátt fyrir að vera einum færri réði United lögum og lofum í síðari hálfleik. United skapaði sér nokkur úrvals færi í hálfleiknum en virtist fyrirmunað að skora.

Gestirnir voru fámennir í vörninni og það nýtti Zoltan Gera sér undir lokin er hann skoraði laglegt mark.

Vondur dagur varð verri hjá United þegar Wayne Rooney lét vísa sér af velli skömmu síðar. Hann varð alveg brjálaður og tók reiði sína meðal annars út á hornfánanum.

Úrslit leikjanna sem hófust klukkan 15.00:

Fulham-Man. Utd 2-0

1-0 Danny Murphy, víti (18.), 2-0 Zoltan Gera (87.)

Blackburn-West Ham 1-1

0-1 Mark Noble (35.), 1-1 Keith Andrews (51.).

Stoke-Middlesbrough 1-0

1-0 Ryan Shawcross (84.)

WBA-Bolton 1-1

0-1 Matt Taylor (67.), 1-1 Danni Shittu, sjm (82.)

Grétar Rafn Steinsson lék allan leikinn fyrir Bolton og fékk gult spjald á 89. mínútu.

Staðan í ensku deildinni.