Markið hans Nistelrooy var löglegt

Mörgum brá í brún þegar að dómarar leiks Ítalíu og Hollands á EM í gær leyfðu fyrsta marki leiksins, sem Ruud van Nistelrooy skoraði, að standa.

Van Nistelrooy fylgdi þá eftir skoti Giovanni van Bronckhorst og var staðsettur vel fyrir innan varnarlínu ítalska landsliðsins þegar hann snerti boltann.

Hins vegar lá Christian Panucci utan vallar, við hlið marksins, og var talinn hluti af leiknum. Panucci spilaði hann því réttstæðan.

„Staðreyndin er sú að aðstoðardómarinn hafði rétt fyrir sér," sagi Keith Hackett, formaður dómaranefndar ensku úrvalsdeildarinnar. „Panucci lenti í samstuði við Buffon, sinn eigin markvörð og var enn hluti af leiknum."

Formaður dómaranefndar EM 2008 sagði að dómurinn væri 100 prósent réttur. Málið verður einnig rætt á blaðamannafundi UEFA í dag.