Torres og Gerrard byrjaðir að æfa

Fernando Torres og Steven Gerrard hjá Liverpool eru nú báðir byrjaðir taka þátt í léttum æfingum á ný eftir meiðsli sem héldu þeim frá því að spila með landsliðum sínum í undankeppni HM.

Gerrard fór í uppskurð vegna nárameiðsla en Torres var tognaður á læri. Rafa Benitez segir þá báða byrjaða að skokka létt og á von á að fá þá heila eftir 10-12 daga. Það gæti þýtt að þeir yrðu báðir klárir í slaginn fyrir mikilvægan leik Liverpool gegn Manchester United á hádegi þann 13. september.