Barist í Belfast eftir knattspyrnuleik

Óeirðir brutust út á fótboltaleik í austurhluta írsku borgarinnar Belfast eftir að leikmaður annars liðsins varð fyrir flugeldi sem skotið var á loft af aðdáendum hins liðsins.

Múrsteinum var grýtt á götum úti og lögregla þurfti að kalla á vettvang fjölmennt lið óeirðalögreglumanna til að hafa stjórn á mannfjöldanum. Ekki bætti úr skák að það var einmitt leikmaður liðsins sem tapaði leiknum sem varð fyrir flugeldinum. Hann sakaði þó ekki en loka þurfti götum á stóru svæði á meðan lögregla náði stjórn á aðstæðum.