Domenech: Varnarleikur Rúmena var sterkur

Frakkar gerðu markalaust jafntefli í fyrsta leik dauðariðilsins á EM í dag. Spilamennska franska liðsins olli miklum vonbrigðum.

„Þetta er virkilega erfiður riðill. Liðin eru sterk og vel undirbúin og maður getur ekki bókað sigur gegn neinu liði. Úrslitin í þessum riðli munu ekki ráðast fyrr en í lokin. Við verðum að leika vel í síðustu tveimur leikjunum," sagði Raymond Domenech, þjálfari Frakka, eftir leikinn við Rúmeníu.

„Rúmenía varðist vel. Hollendingum tókst ekki að skora gegn þeim í tveimur leikjum og það sýnir hversu sterkir þeir eru varnarlega."

Victor Piturca, þjálfari Rúmeníu, sagðist sáttur við jafnteflið þó þeirra markmið hafi verið sigur. „Franska liðið er gott en ekki eins gott og áður. Leikmenn þeirra eru orðnir eldri og þreyttari," sagði Piturca.