Chelsea sagt hafa ráðið Scolari

Enska dagblaðið Daily Mail heldur því fram í dag að félagið hafi ráðið nýjan knattspyrnustjóra í síðustu viku. Allt bendi til þess að það sé Luiz Felipe Scolari.

Blaðið segir í frétt sinni að Scolari vilji alls ekki láta trufla störf sín með portúgalska landsliðinu á meðan EM stendur. Hann ítrekaði það á blaðamannafundi fyrir skömmu en vildi þó ekki taka fyrir að hann gæti verið á leið til Chelsea að mótinu loknu.

Chelsea hefur einnig verið orðað við Guus Hiddink, landsliðsþjálfara Rússlands, og segir blaðið að hann sé nú varakostur ef eitthvað fer úrskeðis með Scolari.