United ítrekar að Ronaldo sé ekki til sölu

Manchester United hefur ítrekað að Cristiano Ronaldo sé ekki til sölu. Ronaldo er í fyrirsögnum um allan heim þar sem Real Madrid sækist hart eftir þjónustu hans.

„Ég mun tilkynna um framtíð mína eftir tvo til þrjá daga," sagði Ronaldo eftir að Portúgal féll úr leik á EM í gær. „Ég mun ræða við Manchester United. Ég mun reyna að komast að samkomulagi og svo sjáum við til."

Manchester United gaf hinsvegar út yfirlýsingu þar sem sagt er að félagið muni ekki hlusta á nein tilboð í leikmanninn.