Friðrik krónprins týnir giftingarhringnum

Stærsti ótti hvers eiginmanns er orðinn að raunveruleika fyrir Friðrik Danaprins. Hann er búinn að týna giftingarhringnum. Málið er fyrirferðarmikið í dönskum fjölmiðlum, og mætti skilja sem svo að þjóðfélagið sé á öðrum endanum vegna málsins.

Að ganga um án giftingarhringsins er að vísu mál sem getur reynst erfitt að útskýra fyrir eiginkonunni. Friðrik hefur þó ágætis afsökun. Hringurinn liggur á hafsbotni út af strönd Norður-Ameríku, þar sem hann féll af fingri Friðriks í köfunarferð í byrjun janúar.

Köfunarmeistarinn Steve Tropp, sem var með Jóakim í ferðinni, segir við danska slúðurritið Se & Hør að þeir hafi leitað hringsins í tvær vikur eftir atvikið, en án árangurs.

Hringurinn er nálægt því að vera ómetanlegur, en hann er steyptur úr fyrsta gullinu sem fékkst úr Nalnuq-námunni á Suður-Grænlandi.