Havant & Waterlooville tók forystuna á Anfield

Einhver óvæntustu tíðindi í sögu enskrar knattspyrnu áttu sér stað á áttundu mínútu leiks Liverpool og utandeildarliðsins Havant & Waterlooville.

Þá skoraði Richard Pacquette mark eftir hornspyrnu og kom Havant & Waterlooville yfir gegn Liverpool á Anfield.

Þetta gerði það að verkum að stuðningsmenn Havant & Waterlooville fóru að hæðast að stuðningsmönnum Liverpool sem urðu að taka því þegjandi og hljóðalaust.

Vísir mun að sjálfsögðu greina frá úrslitum leiksins um leið og honum er lokið.