Innlent

Íslendingar drekka minnst vestrænna þjóða

Íslendingar drekka minnst vestrænna þjóða, samkvæmt rannsókn sem Fréttablaðið greinir frá í dag. Jafnvel þótt drykkja Íslendinga hafi aukist um 110% á árunum 1980 til 2005, eða úr þremur lítrum í 6,4 lítra á mann á ári, þá drekki Íslendingar samt minna áfengi en íbúar annarra vestrænna ríkja.

Blaðið vitnar í grein Bjarna Þorleifssonar meltingarlæknis við Landsspítalann í Læknablaðinu, þar sem segir að hér á landi sé skorpulifur mun fátíðari en víðast hvar annars staðar. Bjarni þakkar þetta aðhaldsstefnu í áfengismálum, þ.e.a.s. háu verði á áfengi og lélegu aðgengi að því.

Einnig er bent á að neynsluvenjur hafi breyst með tilkomu bjórsins. Fyrir komu hans hafi sterkt áfengi verið tæplega 80 prósent af því áfengi sem Íslendingar neyta, en nú sé sterkt áfengi um 20 prósent af neyslunni

Tengd skjöl



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.