Portsmouth og Fulham skildu jöfn

Clint Dempsey bjargaði stigi fyrir Fulham með síðbúnu marki gegn Portsmouth í lokaleik dagsins í ensku úrvalsdeildinni.

Portsmouth komst yfir með marki Peter Crouch á 60. mínútu leiksins sem skoraði af stuttu færi eftir undirbúning Jermain Defoe.

Nadir Belhadj átti svo skot í stöng fyrir Portsmouth auk þess sem Mark Schwarzer, markvörður Fulham, sýndi góð tilþrif í leiknum.

Harry Redknapp, fyrrum stjóri Portsmouth, hætti skyndilega hjá félaginu í gær til að taka við Tottenham. Aðstoðarmenn hans hjá félaginu, Tony Adams og Joe Jordan, stýrðu liðinu í dag.