Ronaldo tók rétta ákvörðun

Cristiano Ronaldo segist hafa tekið rétta ákvörðun þegar hann hafnaði Real Madrid og á von á því að vera áfram í herbúðum Manchester United eftir þetta tímabil.

Nýverið sagði Ramon Calderon, forseti Real Madrid, að félagið myndi ekki lengur eltast við Ronaldo.

„Nú veit ég að ákvörðun mín var góð," sagði Ronaldo. „Ég er hjá Manchester í bæði líkama og sál. Ég vil bera virðingu fyrir félaginu, samstarfsfélögunum og stuðningsmönnum og ekki ræða önnur félög á þessum tímapunkti."

Ronaldo er samningsbundinn United til 2012.