Heiðar á bekknum hjá Bolton

Heiðar Helguson er í leikmannahópi Bolton í fyrsta sinn í rúman mánuð en félagið mætir Tottenham í dag.

Heiðar hefur aðeins komið við sögu í einum leik á þessu tímabili er hann kom inn á sem varamaður gegn sínu gamla félagi, Fulham. Þá lék hann í 25 mínútur en Bolton tapaði leiknum, 2-1.

Heiðar lék í haust með íslenska landsliðinu gegn Skotlandi og Noregi en missti af leikjum landsliðsins fyrr í mánuðinum vegna meiðsla.

Grétar Rafn Steinsson er sem fyrr í byrjunarliði Bolton en hann hefur verið í byrjunarliðinu í öllum deildarleikjum liðsins til þessa.