Handbolti

Sigfús: Elska alla strákana út af lífinu

Henry Birgir Gunnarsson í Peking skrifar
Þorgerður Katrín og Sigfús. Mynd/Vilhelm
Þorgerður Katrín og Sigfús. Mynd/Vilhelm

Sigfús Sigurðsson var löngu hættur að svekkja sig á tapinu gegn Frökkum þegar Vísir hitti hann eftir leik en þá var Sigfús kominn með silfur um hálsinn og bros á munni.

„Eftir leikinn þá brotnaði ég niður, mig langaði svo í gullið. Þá kom ágætis félagi minn, Dinart, klappaði mér á hausinn og sagði að við hefðum spilað frábært mót, gætum verið stoltir og bara upp með hausinn. Þá rann upp fyrir mér að við værum í Mekka íþróttanna og hér væru allir bestu íþróttamenn heimsog við værum að fá silfur hérna. Guð minn góður hvað ég er ógeðslega ánægður. Ég vona að ég hafi gert fjölskyldu mina og þá aðallega son minn stoltan hér í dag," sagði Sigfús sem var mjög hrærður og hann vildi sérstaklega hrósa framkvæmdastjóra HSÍ, Einari Þorvarðarsyni.

„Sá sem á mesta hrósið skilið er Einar Þorvarðarson. Hann er búinn að vera frá því í undirbúningnum fyrir Pólland búinn að mæta á hverja einustu æfingu, alla leiki og ég veit ekki hvað og hvað. Maðurinn er gjörsamlega ódrepandi. Núna er ég að koma heim og mun gera allt sem ég get við að hjálpa honum að lyfta handboltanum á hærri stall heima. Medalían var fyrst og fremst fyrir Ísland sem og þá sem maður elskar. Sá sem á mesta heiðurinn er samt Einar," sagði Sigfús sem hafði íhugað að hætta með landsliðinu en er ekki alveg eins viss núna.

„Þetta mót hefur kveikt rosalega í mér. Ég hafði talað um að mig langaði að hætta ef ég ynni medalíu á Ólympíuleikum. Núna þarf ég aðeins að leggja hausinn í bleyti. Það var svo gaman hérna að mér leið oft eins og ég væri tvítugur. Ég ætla að hafa ógeðslega gaman með strákunum í kvöld en ég elska þá alla út af lífinu. Vera með medalíuna við hjartað og hafa það ógeðslega nice.


Tengdar fréttir

Sögulegt silfur

Ísland vann til silfurverðlauna á Ólympíuleikunum í Peking í handbolta karla. Ísland tapaði fyrir Frakklandi í úrslitaviðureigninni, 28-23.

Arnór Atla: Ég er hundsvekktur

Arnór Atlason hefur átt frábæra Ólympíuleika. Skorað mörk, lagt upp fjölda þeirra og spilað fína vörn. Hann var enn að jafna sig eftir tapið þó svo hann væri kominn með verðlaunapening utan um hálsinn.

Björgvin Páll: Bara eitt púslið í góðu liði

Markvörðurinn ungi Björgvin Páll Gústavsson er svo sannarlega ein af stjörnum þessara Ólympíuleika. Hefur staðið sig hreint frábærlega og búinn að stimpla sig inn í íslenska landsliðið með látum.

Með silfur um hálsinn - Myndir

Íslenska handboltalandsliðið tók áðan við silfurverðlaunum sínum á Ólympíuleikunum í Peking. Söguleg stund fyrir íslenskt íþróttalíf.

Myndir úr leik Íslands og Frakklands

Ljósmyndarinn Vilhelm Gunnarsson var á sínum stað í Peking og tók myndir af því þegar Ísland lék til úrslita gegn Frakklandi á Ólympíuleikunum.

Róbert: Ætla að gleyma leiknum og njóta silfursins

„Það er dásamleg tilfinning að vera með silfrið um hálsinn og nú munu allar stíflur bresta hjá manni. Ég er eðlilega mjög stoltur af þessum árangri en samt svekktur að hafa ekki náð gullinu

Alexander: Þykir vænt um stuðninginn frá Íslandi

Maðurinn sem virðist gera gerður úr stáli, Alexander Petersson, brosti allan hringinn með silfurmedalíuna um hálsinn þegar Vísir hitti á hann eftir verðlaunaafhendingu í dag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.