DIC ætlar ekki að kaupa fótboltalið

Fjárfestafélagið Dubai International Capital hefur gefið það út að það sé ekki að reyna að kaupa knattspyrnulið. DIC hefur lengi verið orðað við Liverpool og komst nálægt því að eignast hlut George Gillett í félaginu.

Þá var DIC orðað við Newcastle eftir að Mike Ashley, núverandi eigandi félagsins, sendi frá sér yfirlýsingu þar sem hann lýsti yfir vilja sýnum að selja félagið.

Nú er hinsvegar ljóst að DIC er ekki í neinum tilraunum sem stendur til að eignast enskt knattspyrnufélag.