Agbonlahor vildi ekki kvarta undan Barton

Joey Barton er sagður hafa beitt Gabriel Agbonlahor, leikmanni Aston Villa, kynþáttaníði en þrátt fyrir það sagðist þá síðarnefndi ekki ætla að kvarta undan Barton sem leikur með Newcastle.

Barton er nýbyrjaður að spila á nýjan leik eftir að hann tók út sex leikja bann fyrir að ráðast á liðsfélaga sinn á æfingu með Manchester City. Þá sat hann í fangelsi fyrr á árinu fyrir líkamsárás í Liverpool.

„Ég held að þetta muni ekki bara koma fyrir mig," sagði Agbonlahor um atvikið. „Ég held að margir munu þurfa að þola þessa hegðun."

„Ég var auðvitað ekkert ánægður með þetta en Barton hefur fengið svo mikið af slæmri umfjöllun að ég ákvað að fara ekki lengra með málið. Félagið sagðist vilja styðja mig en ég bara ákvað að líta á málið þannig að hann væri bara þess konar leikmaður. Þetta gerðist og ég ætla bara að reyna að gleyma því."