Buffon hlær að City-slúðri

Ítalski landsliðsmarkvörðurinn Gianluigi Buffon segir ekkert hæft í þeim orðrómi að Manchester City hafi gert í hann 70 milljón evra kauptilboð.

Hinn þrítugi markvörður er samningsbundinn Juventus út leiktíðina 2013 og segir fréttaflutninginn skáldaðan frá upphafi til enda.

"Þetta er er tilbúningur fjölmiðla. Ef tilboð á borð við þetta bærist inn á borð til Juventus er ég viss um að félagið myndi skoða það - en mér finnst afar ólíklegt að svona tilboð eigi eftir að koma," sagði Buffon.