Innköst Arons vekja athygli

Aron Gunnarsson, leikmaður Coventry á Englandi, hefur vakið verðskuldaða athygli á Englandi fyrir löng innköst sín sem þegar hafa lagt upp tvö mörk fyrir lið hans.

Rory Delap hjá Sunderland hefur vakið svipaða athygli fyrir löng innköst sín hjá liði Stoke í úrvalsdeildinni, en landsliðsmaðurinn segir innköst sín ekki byggð á kraftinum einum saman.

"Þetta snýst meira um tækni og hana lærði ég af því að spila handbolta. Fólk með helmingi stærri og lengri hendur en ég getur ekki kastað jafn langt, því þetta er svo mikið spurning um tækni," sagði Aron.

Hann segist ánægður með lífið hjá Coventry. "Ég sagði í upphafi leiktíðar að mig langaði að spila og hingað til hef ég verið í byrjunarliðinu í þeim leikjum sem ég hef komið til greina svo ég get ekki kvartað. Ég vona bara að ég fái að spila meira eftir því sem líður á leiktíðina," sagði Aron.