Enski í dag: Drama á botninum

Mikil dramatík var í botnbaráttunni í ensku úrvalsdeildinni í knattspyrnu í dag þar sem segja má að Fulham hafi stolið senunni rækilega. Liðið náði sér í gríðarlega mikilvæg stig í fallslagnum með 3-2 útisigri á Manchester City eftir að hafa lent undir 2-0.

Fulham hefði geta fallið úr úrvalsdeildinni ef úrslit hefðu farið liðinu í óhag í dag, en með gríðarlegri baráttu náði liðið að koma til baka og vinna 3-2 sigur. Það var Diomansy Kamara sem var hetja liðsins þegar hann skoraði sigurmarkið í uppbótartíma.

Birmingham er í þriðja neðsta sæti deildarinnar og segja má að liðið hafi farrið illa að ráði sínu í dag. Liðið tók á móti Liverpool og náði tveggja marka forystu, en varð að gera sér að góðu 2-2 jafntefli á St. Andrews.

Sunderland kom sér örugga stöðu í deildinni með góðum 3-2 sigri á grönnum sínum í Middlesbrough þar sem Daryl Murphy tryggði Sunderland sigurinn með marki skömmu fyrir leikslok.

Bolton fékk eitt marktækifæri gegn Tottenham á útivelli og það nægði liðinu til að ná 1-1 jafntefli. Grétar Rafn Steinsson var á sínum stað í liði Bolton og lagði upp mark liðsins fyrir Stelios. Bolton er í bullandi fallhættu en mátti þakka fyrir stigið í dag þar sem heimamenn voru miklu betri í leiknum.

Þá var líka mikill fallslagur þar sem Wigan og Reading áttust við á JJB Stadium en þar fór svo að hvorugu liðinu tókst að skora. Ívar Ingimarsson var á sínum stað í byrjunarliði Reading.

Loks vann West Ham góðan 2-1 sigur á Newcastle í leik sem hafði ekki mikla þýðingu fyrir liðin, sem eru á lygnum sjó um miðja deild.

Staðan á botninum þegar tvær umferðir eru eftir:

16.     Bolton  33

17.     Reading 33

18..     Birmingham 32

19.     Fulham 30

20.     Derby 11

Úrslit og markaskorarar dagsins:

Birmingham 2 - 2 Liverpool

1-0 M. Forssell ('34)

2-0 S. Larsson ('55)

2-1 P. Crouch ('63)

2-2 Y. Benayoun ('76)

Manchester City 2 - 3 Fulham

1-0 S. Ireland ('10)

2-0 Benjani ('21)

2-1 D. Kamara ('70)

2-2 D. Murphy ('79)

2-3 D. Kamara ('92)

Sunderland 3 - 2 Middlesbrough

0-1 T. Sanli ('4)

1-1 D. Higginbotham ('6)

2-1 M. Chopra ('45)

2-2 A. Alves ('73)

3-2 E. Pogatetz ('90, sjálfsmark)

Tottenham 1 - 1 Bolton

0-1 S. Giannakopoulos ('46)

1-1 S. Malbranque ('52)

West Ham 2 - 2 Newcastle

1-0 M. Noble ('10)

2-0 D. Ashton ('22)

2-1 O. Martins ('42)

2-2 Gérémi ('45)

Wigan Athletic 0 - 0 Reading