Úkraína gæti misst EM 2012

Svo gæti farið að sá hluti Evrópumótsins í knattspyrnu 2012 sem á að fara fram í Úkraínu verður færður annað eftir því sem þarlend knattspyrnuyfirvöld segja.

Formaður knattspyrnusambands Úkraínu, Viktor Yushchenko, hefur haft talsverðar áhyggjur af gangi mála og þá sér í lagi með endurbætum á Ólympíuleikvanginum í Kænugarði.

Michel Platini, forseti Knattspyrnusambands Evrópu, hefur einnig lýst yfir áhyggjum af gangi mála en hann mun skoða aðstæður í upphafi næsta mánaðar.

Yfirvöld í Úkraínu réðu byggingarverktaka frá Taívan sem var fenginn til að sjá um endurbæturnar en verkefnið hefur gengið afar hægt.

„Það eru nú tveir kostir í stöðunni," sagði Borsis Voskresensky, varaformaður sambandsins. „Annað hvort ákveður ríkisstjórnin að asíska fyrirtækið geti ekki lokið við verkefnið og heldur annað útboð á því. Eða þá að UEFA ákveði að það sé ómögulegt að halda EM 2012 í Úkraínu."