Barnes að taka við Jamaíka?

John Barnes gæti orðið næsti landsliðsþjálfari Jamaíka. Barnes er fyrrum leikmaður Liverpool en hann á nú í viðræðum við knattspyrnusamband Jamaíka um að taka við sem landsliðsþjálfari.

Barnes er Englendingur en fæddist í Jamaíka. Hann er 44 ára og hefur verið frá þjálfun síðan hann var rekinn frá Celtic árið 2000.

Jamaíka er í neðsta sæti af fjórum liðum í sínum riðli í undankeppni HM. Liðið er með eitt stig eftir fjórar umferðir en það á þrjá leiki eftir og á aðeins tölfræðilega möguleika á að komast áfram.