Félag leikskólakennara og launanefnd sveitarfélaga skrifuðu undir nýjan kjarasamning í gær. Samkomulagið felur í sér 20.300 króna hækkun grunnlauna. Félag tónlistarkennara skrifaði einnig undir samskonar samning í gær.

,,Þetta eru neyðarsamningar og í rauninni ekki neinar samningar. Þetta er einhliða ákvörðun launanefndar sveitarfélaga sem við neyðumst til að skrifa undir," segir Björg Bjarnadóttir formaður Félags leikskólakennara. ,,Það er út af stöðunni í þjóðfélaginu sem allir þekkja."

Samningurinn verður lagður fyrir leikskólakennara í rafrænni atkvæðagreiðslu og mun niðurstaða liggja fyrir í seinasta lagi 21. desember.