Naumur meirihluti hefur ekki trú á Björgólfi

Naumur meirihluti lesenda Vísis telur að Björgólfur Guðmundsson sé ekki á réttri leið með enska úrvalsdeildarfélagið West Ham sem hann á.

Björgólfur keypti félagið árið 2006 og skömmu síðar var Alan Curbishley ráðinn knattspyrnustjóri liðsins. Hann lét af því starfi í vikunni og gagnrýndi stjórn félagsins fyrir tvískinnung í stefnu félagsins í sölu á leikmönnum. Því hefur West Ham harðneitað.

Spurt var: „Er Björgólfur á réttri leið með West Ham?" 42,9% svöruðu spurningunni játandi en 57,1% neitandi.

Nú er spurt um íslenska landsliðið sem mætir Norðmönnum á útivelli í fyrstu umferð undankeppni HM 2010.

Spurt er: „Hvernig fer leikur Noregs og Íslands?" Svarmöguleikarnir eru „Noregur vinnur", „Jafntefli" og „Ísland vinnur".