Capello: Van Basten sá besti

Fabio Capello segir að landsliðsþjálfari Hollendinga, Marco van Basten, sé besti framherji sem hann hefur þjálfað á ferlinum.

Capello hefur þjálfað marga snillinga á ferlinum en hann kom með þessa yfirlýsingu þegar hann var beðinn að spá í spilin fyrir leik Ítala og Hollendinga á EM á morgun.

"Marco van Basten er besti framherji sem ég hef þjálfað á ferlinum. Hann var svanur. Ronaldo var sannarlega í heimsklassa, en Marco var sá besti í þessari stöðu. Það var hræðilegt fyrir hann, Milan og fótboltann í heild þegar hann þurfti að leggja skóna á hilluna aðeins 28 ára gamall," sagði Capello.