Redknapp útilokar að taka við West Ham

Harry Redknapp hefur gefið það út að hann sé ánægður í starfi knattspyrnustjóra Portsmouth og því komi ekki til greina að hann snúi aftur til West Ham eftir að Alan Curbishley sagði af sér í gær.

"Ég mun ekki taka við af Curbisley hjá West Ham. Hann hætti af því honum fannst mokað undan honum í starfi og ég tek því ofan fyrir honum fyrir að standa á sínu. West Ham er frábært félag en ég elska Portsmouth og þar er ég með eiganda sem lætur mig um að sinna mínu starfi," sagði Redknapp í samtali við Sun í dag.