Ferdinand með landsliðinu til Andorra

Rio Ferdinand mun fara með enska landsliðinu til Andorra þó svo að enn sé óvíst hvort hann geti leikið með landsliðinu.

Ferdinand er sagður vera stífur í hálsi og gat hann ekki æft með liðinu í dag, né heldur í gær. Ástand hans verður aftur metið á morgun.

Hins vegar er Frank Lampard sagður aftur orðinn góður af sínum meiðslum og talið líklegt að hann verði í byrjunarliðinu á laugardaginn. Hið sama má segja um Joe Cole, John Terry, Wes Brown og Ashley Cole.

Steven Gerrard verður hins vegar frá vegna meiðsla og spurning hvort að Jimmy Bullard fái að spreyta sig í hans stað.

Ef Ferdinand getur ekki spilað er líklegt að Brown, Joleon Lescott eða Matthew Upson taki stöðu hans í vörninni.

Leikurinn verður sýndur á Stöð 2 Sport á laugardaginn klukkan 19.15.